Алматы көпсалалы клиникалық аурухана жоғары технологиялық медициналық қызметтер бойынша көшбасшы болып отыр. 2023 жылы аталған ауруханада көрсетілетін жоғары технологиялық медициналық қызметтің көлемі 27 бірлікке артты.
Жоғары технологиялық медициналық көмек немесе жоғары технологиялық медициналық қызметтер – бұл бірегей инновациялық және ресурстарды қажет ететін технологияларды қолдануды көздейтін қызметтер. Күрделі ауруларды емдеу барысында стандартты емдеу әдісін қолдану мүмкін емес. Мұндай жағдайда дәрігерлер диагностика жасау, емдеу мен мен оңалту кезеңінде заманауи әрі бірегей әдістеріне жүгінеді.
Мәселен, Алматы көпсалалы клиникалық ауруханасы биылғы жылы халыққа көрсетілетін медициналық қызметтердің көлемін ұлғайтты. Ал осы уақытқа дейін аурухана мемлекеттік-жекеменшік әріптестік жобасын іске асырғанға дейін жоғары технологиялық медицицналық қызметтің 2 түрін ғана орындаған болатын.
«2022 жылы біз кардиология, нейрохирургия және травматология саласындағы 12 бағыт бойынша медициналық қызмет көрсеттік. Бүгінгі таңда біз көрсетілетін жоғары технологиялық медициналық қызметтер көлемін 27 бірлікке арттырдық. Айтпақшы, 2022 жылы кардиология бөлімінде ЖТМ-нің 2 түрі көрсетілді. Бүгінгі күні біз кардиохирургия бөлімін қостық және өз мүмкіндіктерімізді 11 қызмет түріне кеңейттік, мысалы, қолқа қақпақшасының ашық вальвулопластикасы, митральды қақпақшаның ашық вальвулопластикасы, аннулопластика, жүрек аневризмасын кесу, анастомозы бар қолқа резекциясы, эндоваскулярлық ауыстыру қолқа қақпақшасы және экстракорпоральды мембраналық оксигенация. Сондай-ақ, біз Блохин бойынша қосымша рефлюкске қарсы механизмі бар Политано-Летбеттердің модификацияланған әдісі бойынша уретроцистонеостомия, обструктивті азооспермия кезіндегі микрохирургиялық инвагинациялық вазоэпидидимостомия, электромагниттік есту аппаратын имплантациялау және кезеңдік түзетуді қажет ететін жамбас сүйектеріне сыртқы бекіту құрылғысын қолдану бойынша операцияларды қостық», — деді көпсалалы клиникалық аурухананың бас директоры Жұмағали Исмаилов.
Жоғары технологиялық медициналық көмектің түрлері критерийлер бойынша анықталатынын атап өту маңызды. Бұйрыққа сәйкес критерийлердің әрқайсысына салмақ коэффициенті, шкаласы, мәні және ұпайлары беріледі. VTMP түрлерінің тізіміне 7-10 балл жинаған технологиялар кіреді. Алматы көпсалалы клиникалық ауруханасының барлық технологиялары 8-ден 10 балға дейін жинады.
«Мамандандырылған медициналық көмекті осындай мүмкіндігі бар және басқа денсаулық сақтау органдарымен тығыз ынтымақтастықта тұратын ұйымдар көрсетеді. Барлық ауруханалар мен медициналық ұйымдар халыққа көрсетілетін мамандандырылған медициналық көмек көрсету кезеңінде жауапкершілікті мойнына алады», — деп толықтырды бас директор.
Естеріңізге сала кетейік, мамандандырылған және жоғары технологиялық көмек көрсетудің белгілі бір ережелеріне сай аталған қызмет түрлері абдоминальды, кеуде және бет-жақ хирургиясы, акушерлік, гастроэнтерология, гинекология, дерматология, неврология, ауыр күйік, травматология, ағзаларды трансплантациялау, эндокринология салаларында қолданылатын болады.
Алматы көпсалалы клиникалық ауруханада тұрғындарға жоғары технологиялық медициналық қызметтер көрсетіле бастады
![](https://atamekengazeti.kz/wp-content/uploads/2023/01/5ea06ab9-db86-42c8-97c6-38a28f7ea1bb-1024x768.jpg)