Ағымдағы жылы «Құрбан айт» мерекесі 6-8 маусым аралығында аталып өтеді. Осыған орай, облыс аумағында құрбан шалу рәсімін өткізу үшін 25 арнайы орын белгіленді.
Азаматтардың қауіпсіздігін қамтамасыз ету және қоғамдық тәртіпті сақтау мақсатында, рұқсат етілмеген аумақтарда мал союға және заңсыз мал саудасымен айналысуға тыйым салынады.
Аталған талаптардың бұзылғаны анықталған жағдайда, Қазақстан Республикасының қолданыстағы заңнамасына сәйкес әкімшілік жауапкершілік пен айыппұл қарастырылғаны туралы назарға саламыз.
Барша тұрғындарды тәртіп пен санитарлық талаптарды сақтай отырып, құрбандық рәсімін арнайы бекітілген орындарда өткізуге шақырамыз.
