Ақтерек ауылдық кітапханасында этносаралық достық пен бірлікті нығайтуға арналған дөңгелек үстел өтті. Шараға ауыл тұрғындары, кітапхана оқырмандары қатысты. Қатысушылар өз ойларын бөлісіп, татулық пен ынтымақтастықты насихаттады.
Іс-шара барысында әр этнос өкілдерінің арасындағы өзара түсіністік пен достықты арттыру жолдары талқыланды. Дөңгелек үстел қатысушылары бірлікті сақтау мен этносаралық қатынастарды нығайтуға бағытталған ұсыныстарын ортаға салды.
Мұндай кездесулер қоғамда бейбітшілік пен келісімділікті қалыптастыруға, ауыл тұрғындарының арасындағы достық қарым-қатынасты одан әрі дамытуға септігін тигізеді.
