Былтыр Алматы облысында 120 дан астам әйел жатыр мойын обырына шалдыққан

Жатыр мойны ісігі әйелдер арасында ең көп таралған онкологиялық аурулардың бірі екенін Алматы аймақтық көпсалалы клиника директоры Саяхат Олжаев өңірлік коммуникациялар қызметінің ақпараттық алаңында айтты.
Маманның айтуынша, жатыр мойын ісігі жасарып келеді.Нақтырақ айтсақ, көбіне ісікке шалдыққандардың жас мөлшері 45-50 жастағы әйелдер.Ал қазіргі таңда 15-20 жастағы қыздарда ісік пайда бола бастаған.
Аталған ісіктің жасару себептерін Саяхат Олжаев жіктеп айта өтті. Мысалы, жыныстық өмірдің ерте басталуы мен серіктестердің жиі өзгеру,ерте алғашқы жүктілік пен имунндық тапшылық.
Сонымен қатар, баспасөз-мәслихатында статистикалық көрсеткіштер айтылды. Алматы облысы бойынша қатерлі ісік ауруымен 10897 науқас тіркелген. Ал, 1083 науқас жатыр мойны ісігі бойынша есепте тұр. Былтыр 122 әйел ісікке шалдыққан.
Саяхат Олжаев,жатыр мойны обырын ерте анықтау үшін әрбір әйел тіркелген жері бойынша емханада скринингтен өтуі тиіс. Және де қатерлі ісікті қоздыратын папиллома вирусына қарсы вакцина егуге кеңес беріледі. Көбінесе бұл вакцинаны жыныстық қатынасқа түспей салдырған абзал.
«Вакцина 10 жас пен 45 жас аралығындағы қыз-келіншектерге егіледі. Егер екпе бойжеткен тұрмыс құрып, алғашқы жыныстық қатынасқа түскенге дейін жасалса, ісіктің алдын алу мүмкіндігі артады. Қыз-келіншектер денсаулықтарына жауапкершілікпен қарап. Тиісті тексерістен уақытылы өтіп тұруға кенес береміз»,-дейді Саяхат Таурбекұлы.
Былтыр өңірде 59488 әйелге тексеріс жоспарланса, 54119 әйел скринингтен өтті .Тексеріс нәтижесінде 2800 қатерлі ісік анықталған. Биылға 67231 зерттеу жасау жоспарланған.
Естеріңізге салайық, облыс тұрғындары үшін Алматы қаласында жатыр мойыны обырына қарсы ашық есік күні өткізіледі. Толық ақпарат Алматы облысы денсаулық сақтау басқармасының сайтынан немесе almoblzdrav инстаграм парақшасынан біле аласыздар.