Дания Еспаева жаңа Конституция жобасында кәсіпкерлердің құқығын қорғау нақты әрі пәрменді тетіктермен бекітіліп отырғанын атап өтті. Әсіресе, мемлекеттік органдардың негізсіз шешімдері үшін жауапкершілікті күшейту – әділдік қағидатын іс жүзінде жүзеге асыруға бағытталған маңызды қадам.
Ал Азат Перуашев халықаралық келісімдерді ратификациялауға дейін Конституциялық Соттың қарауына беру бастамасы ұлттық мүддені сақтаудың қосымша кепілі екенін айтты. Бұл өзгерістер заң үстемдігін нығайтып, мемлекеттің стратегиялық шешімдеріне құқықтық сүзгі енгізеді.
Жалпы, партия ұсынған ұстаным жаңа Конституцияда қорғаныс, сенім және әділдік құндылықтары нақты құқықтық мазмұнға ие болып отырғанын көрсетеді.
Әуелбек Ысқақов, Жамбыл ауданының құрметті азаматы