«Егемен Қазақстан» газетіндегі Президент Қ.Тоқаевтың сұқпатымен таныстым
Журналистке берген сұқпатында өте маңызды мәселелерге тоқталған. Соның ішінде «Таза Қазақстан» бағдарласмасына өз ойымды білдігрім келеді.«Таза Қазақстан» акциясы экологиялық мәдениетті қалыптастырудағы маңызды қадам болып табылады. Бұл бастама қоғамның экологияға деген жауапкершілігін арттыруға, табиғатқа деген қамқорлықты күшейтуге бағытталған. Жастардың белсенділігі мен қолдауы ерекше қуантады, себебі олар еліміздің болашағы мен экологиялық жағдайына бейжай қарамайтынын көрсетеді.
Акцияға 3,8 миллион адамның қатысуы – бұл үлкен жетістік. 1,5 миллион тоннадан астам қоқыстың жиналуы және 3,2 миллион көшеттің егілуі – азаматтардың экологиялық сана-сезімінің жоғары екенін дәлелдейді. Бұл көрсеткіштер еліміздің экологиялық мәселелеріне назар аударудың қажеттілігін көрсетеді.
Әкімдердің жауапкершілігі мен елді мекендердің тазалығы тұрмыс сапасының көрсеткіші екені рас. «Таза Қазақстан» идеясы ұлттық идеологиямыздың маңызды бөлігіне айналуы тиіс, себебі таза орта – сау қоғамның негізі. Бұл бастама тек науқан емес, еліміздің экологиялық болашағы үшін маңызды платформа.
Осылайша, «Таза Қазақстан» акциясы арқылы біз экологиялық мәдениетті қалыптастырып, табиғатқа деген жауапкершілігімізді арттыра аламыз.
Қарасу акылдық округі бойынша аналар кеңесінің төрайымы Нурымова Кулянда
