Ауыл тіршілігінің тынысын терең сезініп, елге қалтқысыз қызмет етіп жүрген еңбек адамдарының бірі – Касебаева Әсел Асылханқызы. Ол – ауыл пошта бөлімшесінің басшысы, өз ісіне шын берілген, жауапкершілігі жоғары маман.
Күннің ыстығы мен суығына қарамай, қысы-жазы ауыл тұрғындарына үздіксіз қызмет көрсетіп келе жатқан еңбегі елеусіз емес. Ол әрбір зейнетақы, әлеуметтік төлем, сәлемдеме мен хат-хабардың уақтылы жетуіне ерекше көңіл бөледі. Пошта – тек құжат алмасатын орын емес, ауылдағы адамдар үшін маңызды байланыс көзі, сенімді орын. Міне, осы сенімді орнатып отырған жандардың бірі – дәл осы Касебаева Әсел.
Ол қызметіне ерекше мұқият, тұрғындармен қарым-қатынасы сыпайы әрі ашық. Қариялар мен көпбалалы отбасыларға, мүмкіндігі шектеулі жандарға көмектесіп, әрдайым қол ұшын беруге дайын тұрады. Әріптестері арасында да беделі жоғары, үлгі боларлық еңбеккер.
Жылдар бойы жинаған тәжірибесі мен табандылығының арқасында пошта бөлімшесінің жұмысын жүйелі ұйымдастырып, қызмет сапасын жақсартуға үлкен үлес қосып келеді. Жаңашылдыққа жаны құмар Әсел Асылханқызы жаңа технологияларды енгізу, тұрғындарға ыңғайлы қызмет көрсету бағытында үнемі ізденіс үстінде.
Ауылдағы игі істердің артында осындай қарапайым, бірақ еңбегі зор адамдардың тұрғанын ұмытпаған жөн. Касебаева Әсел – қарапайымдылығы мен еңбекқорлығы арқылы ауылдың арқа сүйер азаматына айналған жан. Оның ерен еңбегі – өскелең ұрпаққа өнеге, елге қызмет етудің жарқын үлгісі.