«Еңбек адамы» — Шалабаев Даулетхан Бейсембаевич
Шалабаев Даулетхан Бейсембаевич 1960 жылы Жамбыл ауданында дүниеге келген. 2006 жылдан бері «Алатау Жарық Компаниясы» акционерлік қоғамына қарасты №139 Айдарлы қосалқы станциясында электромонтер қызметін атқарып келеді.
Электртехникалық қызмет көрсету саласы — жоғары деңгейдегі жауапкершілік пен мұқияттықты талап ететін қауіпті сала. Бұл бағытта қызмет атқаратын маманнан кәсіби біліктілікпен қатар, еңбек тәртібіне адалдық, қауіпсіздік талаптарын қатаң сақтау және ұжым алдындағы жауапкершілік талап етіледі. Электромонтер тек өз өмірінің қауіпсіздігі үшін ғана емес, әріптестерінің де амандығы үшін жауап береді.
Даулетхан Бейсембаевич — өз ісіне адал, кәсіби тәжірибесі мол, қызметтік міндеттерін жауапкершілікпен атқаратын маман. Көп жылдық жемісті еңбегінің нәтижесінде ол 2024 жылы «Еңбек ардагері» медалімен марапатталды.
Даулетхан Бейсембаевичтің өнегелі еңбек жолы — жас ұрпаққа үлгі. Ол — адал еңбек пен табандылықтың символына айналған нағыз ЕҢБЕК АДАМЫ.