Райымбек ауданында Қазақстан Республикасы Құрылтайы депутаттарының сайлауы жалғасуда. Сайлау учаскелеріне аудан тұрғындарымен қатар, елге еңбегі сіңген ардагер азаматтар да келіп, өз таңдауын жасауда.Солардың бірі – «Еңбек Қызыл Ту» және «Құрмет белгісі» ордендерінің иегері, Паша Ангелина атындағы Бүкілодақтық байқаудың жүлдегері, тұңғыш әйел-механизатор Күлбара Башебаева.Ардагер №783 сайлау учаскесінде дауыс беріп, Құрылтай сайлауының ел өміріндегі маңызы туралы өз пікірін білдірді.«Құрылтай сайлауы – еліміздің қоғамдық өміріндегі маңызды оқиғалардың бірі. Мұндай кезде әр азамат өз таңдауына жауапкершілікпен қарап, елдің ертеңі үшін өз пікірін білдіруі керек. Бүгінгі таңдаудың нәтижесі халықтың тұрмыс-тіршілігіне, елдің дамуына әсер ететін шешімдерге байланысты. Сондықтан сайлауға қатысу – әр азаматтың жауапкершілігі деп ойлаймын. Мұндай кезеңде ел-жұрттың бірлігі аса маңызды», – деді Күлбара Башебаева.Еңбек ардагері жастардың да ел өміріне белсенді араласуы маңызды екенін атап өтті.
Еңбек ардагерінің ерікті таңдауы
