2026–2031 ЖЫЛДАРҒА АРНАЛҒАН САЙЛАУАЛДЫ БАҒДАРЛАМА
«Білімді ұрпақ – ел болашағы, дамыған ауыл – ортақ жетістігіміз!»
ҚАДІРЛІ ЖЕРЛЕСТЕР!
Ауданымыздың келешегі – сапалы білім алған, саналы ойлайтын, ел дамуына жауапкершілікпен қарайтын жас ұрпақтың және туған жерінің өркендеуіне адал еңбегімен үлес қосатын азаматтардың қолында.
Әрбір баланың сапалы білім алуына, қабілеті мен дарынын дамытуына жағдай жасау, ұстаздардың еңбегін қолдау және ауылдардың әлеуметтік-экономикалық әлеуетін арттыру – баршамызға ортақ маңызды міндет.
Ауданымыздағы әрбір елді мекеннің дамуы назарда болуы тиіс. Ауыл тұрғындарының тұрмыс сапасын жақсарту, жолдарды жөндеу, медициналық және әлеуметтік қызметтердің қолжетімділігін арттыру, жастарға жаңа мүмкіндіктер жасау – тұрақты дамудың басты бағыттары.
Ұстаз ретінде білімнің адам өміріндегі және қоғам дамуындағы маңызын терең түсінемін. Білімді, еңбекқор, ізденімпаз ұрпақ тәрбиелеу – елдің жарқын болашағына жасалған маңызды қадам.
Депутаттық өкілеттігім аясында тұрғындардың ұсыныстары мен өтініштерін назарға алып, білім беру, жастарды қолдау, әлеуметтік жағдайды жақсарту және ауыл инфрақұрылымын дамыту мәселелерін тиісті деңгейде көтеруге, олардың шешілуіне ықпал етуге күш саламын.
Халықпен ашық байланыс орнатып, әрбір ауылдың өзекті мәселелерін назарда ұстау, тұрғындардың сенімін нақты іспен ақтау – менің басты ұстанымым.
Мақсатым – туған ауданымыздың білім мен ғылым дамыған, жастарына мүмкіндігі мол, тұрғындары үшін өмір сүруге қолайлы өңірге айналуына өз үлесімді қосу.
МЕНІҢ ҰСТАНЫМДАРЫМ
Әділдік пен теңдік. Әрбір тұрғынға әділ қарап, әр ауылдың жағдайы мен қажеттілігін ескеру.
Адалдық пен жауапкершілік. Берген сөзге берік болып, атқарылған жұмысқа жауапкершілікпен қарау.
Ашықтық пен сенім. Халықпен ашық пікір алмасып, тұрғындардың ұсыныстары мен сын-ескертпелерін назарға алу.
Білім мен жаңашылдық. Сапалы білім беруді, ғылыми ізденісті және жас ұрпақтың шығармашылық бастамаларын қолдау.
Бірлік пен ынтымақ. Ортақ мәселелерді бірлесе шешіп, ауыл тұрғындарының өзара түсіністігі мен ынтымағын нығайтуға атсалысу.
Сіздердің әрбір пікірлеріңіз, ұсыныстарыңыз бен өтініштеріңіз мен үшін маңызды. Тұрғындарды толғандырған мәселелерді мұқият тыңдап, олардың шешілуіне өз өкілеттігім шеңберінде ықпал етуге дайынмын.
«Ауыл – мемлекеттің негізі, білім – жарқын болашақтың кепілі!»
ҚҰРМЕТТІ САЙЛАУШЫЛАР!
ӨМІРБАЯНЫМ
Мен, Қарымбай Аяулым Жақсылыққызы, 1998 жылғы 1 маусымда Алматы облысы, Жамбыл ауданы, Ұзынағаш ауылында дүниеге келдім.
Қазіргі уақытта Алматы облысы, Жамбыл ауданы, Ұзынағаш ауылында тұрамын.
2020 жылы Қазақ ұлттық қыздар педагогикалық университетін «Химия пәнінің мұғалімі» мамандығы бойынша тәмамдадым.
Еңбек жолымды 2021 жылы бастадым.
Қазіргі уақытта Жамбыл ауданы, Қайназар ауылындағы мектепте химия пәнінің мұғалімі болып еңбек етіп келемін.
Педагог-модератор біліктілік санатына иемін.
Кәсіби қызметімде тәртіптілікті, жауапкершілікті, бастамашылдықты және үздіксіз кәсіби дамуды басты қағидаларым деп санаймын.
Ұстаздық қызметімде оқушылардың сыни ойлауын, ғылыми ізденіске қызығушылығын, шығармашылық қабілеттерін және өзара қарым-қатынас жасау дағдыларын дамытуға ерекше көңіл бөлемін.
Химия пәнінің мұғалімі ретінде балалардың жаратылыстану ғылымдарына қызығушылығын арттыруға, тәжірибелік білімін жетілдіруге және алған білімін күнделікті өмірде тиімді қолдануына ықпал етуді маңызды міндетім деп білемін.
Ауданның дамуы сапалы білім беруден, жас ұрпақтың заманауи білім мен өмірлік дағдыларды меңгеруінен және ауыл мектептерінің әлеуетін арттырудан басталады деп есептеймін.
Туған жерімнің өркендеуіне үлес қосу, жас ұрпақтың сапалы білім мен саналы тәрбие алуына жағдай жасау және ауыл тұрғындарының әл-ауқатын арттыруға атсалысу – менің басты азаматтық міндетім.
Қоғамдық қызметімде білім беру сапасын жақсартуға, ауыл мектептерін дамытуға, жас педагогтерді қолдауға, оқушылардың жан-жақты дамуына жағдай жасауға және тұрғындармен тұрақты байланыс орнатуға басымдық беремін.
Мен үшін қоғамдық қызметтің басты нәтижесі – халықтың сенімі, нақты атқарылған жұмыстар және туған жердің дамуына қосылған үлес.
2026–2031 ЖЫЛДАРҒА АРНАЛҒАН НАҚТЫ МІНДЕТТЕМЕЛЕР
1. ТИІМДІ ИНСТИТУТТАР
Тұрғындармен тұрақты кездесулер ұйымдастырып, олардың ұсыныстары мен өзекті мәселелерін тыңдау.
Азаматтардың өтініштерін тиісті мемлекеттік органдарға жеткізіп, олардың заң аясында қаралуына және шешілуіне ықпал ету.
Сайлауалды бағдарламаның жүзеге асырылу барысын бақылап, атқарылған жұмыстар туралы тұрғындарға жүйелі түрде ақпарат беру.
Жергілікті атқарушы органдармен бірлесіп, ауыл тұрғындарының өзекті мәселелерін шешуге атсалысу.
2. КӘСІПКЕРЛІКТІ ҚОЛДАУ ЖӘНЕ ЖАҢА ЖҰМЫС ОРЫНДАРЫ
«Ауыл аманаты» бағдарламасы аясында ауыл тұрғындарының кәсіпкерлік бастамаларын қолдауға ықпал ету.
Жастар мен әйелдердің кәсіпкерлікпен айналысуына, өз ісін бастауына және кәсіби мүмкіндіктерін кеңейтуіне қолдау көрсету.
Ауыл шаруашылығы мен отбасылық кәсіпкерлікті дамытуға бағытталған бастамаларға жәрдемдесу.
Жаңа жұмыс орындарын ашуға, ауыл тұрғындарының табысын арттыруға және жергілікті кәсіпкерлікті дамытуға бағытталған жобалардың жүзеге асуына ықпал ету.
3. ҚУАТТЫ ӨҢІРЛЕР ЖӘНЕ АУЫЛ ИНФРАҚҰРЫЛЫМЫ
Ауыл тұрғындарын сапалы ауызсумен тұрақты қамтамасыз ету мәселесін назарда ұстау.
Электр желілерінің жағдайын жақсарту және электрмен жабдықтау сапасын арттыруға ықпал ету.
Ауылішілік жолдарды жөндеу, көшелерді жарықтандыру және елді мекендерді абаттандыру жұмыстарын қолдау.
Қоғамдық көлік бағыттарының қолжетімділігін арттыру және аялдамалардың қауіпсіздігін жақсарту мәселелерін көтеру.
4. БІЛІМ ЖӘНЕ БАЛАЛАРДЫҢ МҮМКІНДІКТЕРІ
Ауыл мектептерінің материалдық-техникалық базасын нығайтуға және оқу кабинеттерін заманауи құрал-жабдықтармен қамтамасыз етуге ықпал ету.
Білім беру ұйымдарындағы жөндеу жұмыстарының сапалы әрі уақытылы жүргізілуі мәселелерін назарда ұстау.
Балалардың сапалы білім алуына, шығармашылық және ғылыми қабілеттерін дамытуына қолайлы жағдай жасауға бағытталған бастамаларды қолдау.
Балабақшалар мен қосымша білім беру үйірмелерінің қолжетімділігін арттыруға ықпал ету.
Ерекше білім беру қажеттіліктері бар балаларға қолайлы жағдай жасау және қажетті мамандармен қамтамасыз ету мәселелерін көтеру.
Оқушылардың жаратылыстану ғылымдарына, ғылыми жобаларға және зертханалық тәжірибелерге қызығушылығын арттыруға бағытталған бастамаларды қолдау.
5. МӘДЕНИЕТ ЖӘНЕ ЖАСТАР БАСТАМАЛАРЫ
Ауыл жастарының білім алуына, шығармашылық қабілеттерін дамытуына және қоғамдық өмірге белсенді қатысуына қолдау көрсету.
Мәдени іс-шараларды дамытуға, кітап оқу мәдениетін қалыптастыруға және жергілікті өнерпаздардың шығармашылығын қолдауға ықпал ету.
Жастардың еріктілік қозғалысына және қоғамдық маңызы бар бастамаларға қатысуын ынталандыру.
Балалар мен жасөспірімдердің спорт секцияларына қатысуына, бұқаралық спорттың дамуына қолайлы жағдай жасау мәселелерін көтеру.
6. ЭКОЛОГИЯ ЖӘНЕ ТАЗАЛЫҚ
Ауылдың тазалығын сақтауға, көшелер мен қоғамдық орындарды көркейту және абаттандыру жұмыстарына ықпал ету.
Самсы өзенінің жағалауын тазарту, табиғи ортасын сақтау және тұрғындарға қауіпсіз демалыс орындарын ұйымдастыру жөніндегі ұсыныстарды қолдау.
Тұрмыстық қалдықтарды жинау және шығару қызметінің сапасын арттыру мәселелерін тиісті органдар алдында көтеру.
Тұрғындардың экологиялық мәдениетін қалыптастыруға, жастарды табиғатты қорғау және көгалдандыру жұмыстарына тартуға атсалысу.
7. ХАЛЫҚПЕН БАЙЛАНЫС
Ауыл тұрғындарымен тұрақты кездесулер өткізіп, олардың өтініштері мен ұсыныстарын назарға алу.
Тұрғындардың әлеуметтік мәселелерін шешуге, құқықтары мен заңды мүдделерін қорғауға өз өкілеттігім шеңберінде ықпал ету.
Халықпен кері байланысты нығайтып, көтерілген мәселелердің қаралу барысын бақылау.
Атқарылған жұмыстар жөнінде тұрғындар алдында ашық есеп беріп, халық сенімін нығайтуға күш салу.
ҚАДІРЛІ ЖЕРЛЕСТЕР!
Туған жердің дамуы – баршамыздың ортақ ісіміз. Ауылдың болашағы әрбір тұрғынның белсенділігіне, бірлігіне және адал еңбегіне байланысты.
Мен үшін ең маңыздысы – халықтың сенімін ақтау, тұрғындардың пікіріне құлақ асу және ел игілігі үшін нақты жұмыс атқару.
Білімді ұрпақ, белсенді жастар, көркейген ауыл және берекелі қоғам – біз ұмтылатын ортақ болашақ.
Әр қадамым – халық игілігі үшін!
Әр бастамам – ел болашағы үшін!
Басты мақсатым – туған жердің өркендеуі!
Бірлігіміз нығайып, еңбегіміз жемісті, болашағымыз жарқын болсын!
Құрметпен,
Қарымбай Аяулым Жақсылыққызы
«Халық сенімі – ең үлкен аманат, туған жерге адал қызмет – абыройлы міндет!»
Үгіт материалды шығарған ұйым: «Жамбыл Атамекен» ЖШС, Алматы облысы, Жамбыл ауданы, Ұзынағаш ауылы. Тапсырыс беруші: Қарымбай Аяулым Жақсылыққызы Жамбыл ауданының мәслихат депутаттығына кандидат. Материалдар республикалық бюджет есебінен қаржыландырылды.