Қазақстан Республикасының Конституциясы – еліміздің негізгі заңы, тәуелсіз мемлекетіміздің құқықтық негізі және қоғамдағы тұрақтылықтың басты кепілі. Ата Заңда мемлекеттің құрылымы, азаматтардың құқықтары мен бостандықтары, сондай-ақ қоғам мен мемлекеттің өзара жауапкершілігі айқын белгіленген.
Конституцияның басты құндылығы – адам құқықтары мен бостандықтарын қорғауға басымдық беруінде. Әр азаматтың заң алдында теңдігі, өмір сүруге, білім алуға, еңбек етуге және өз құқықтары мен заңды мүдделерін қорғауға құқығы Ата Заңмен қамтамасыз етіледі.
Елдің тұрақты дамуы мен қоғамдық келісімнің берік болуы Конституцияда бекітілген қағидаттарды құрметтеуге тікелей байланысты. Заң талаптарын сақтау, өзгенің құқықтары мен бостандықтарына құрметпен қарау – әр азаматтың қоғам алдындағы жауапкершілігінің маңызды бөлігі.
Конституция – тек құқықтар мен міндеттерді айқындайтын құжат емес. Ол – мемлекеттің болашаққа деген бағытын белгілейтін, ел бірлігі мен тұрақтылығын нығайтатын маңызды құндылық.
Ата Заңды құрметтеу – Отанға, елге және оның болашағына деген құрмет. Конституциялық қағидаттарды сақтау арқылы біз құқықтық мәдениеті жоғары, тұрақты әрі әділетті қоғам қалыптастыруға өз үлесімізді қосамыз.
Тәуелсіз Қазақстанның берік іргетасы – Конституция. Оны құрметтеу және оның талаптарын сақтау – әр азаматтың ортақ міндеті.