заң шығару жүйесін сапалық тұрғыда жаңғыртатын маңызды қадам. Мұндай құрылым заң жобаларын тек формалды түрде емес, мазмұндық және құқықтық тұрғыда терең талдауға мүмкіндік береді. Комитеттің басты артықшылығы – әртүрлі саяси ұстанымдардың ескерілуін қамтамасыз етуінде. Бұл заң қабылдау барысында біржақты шешімдерге жол бермей, баламалы пікірлердің салмақталуына жағдай жасайды.
Сонымен қатар, мұндай комитет парламент ішіндегі өзара бақылау мен тепе-теңдік тетіктерін күшейтеді. Заң жобаларының сапалы сараптамадан өтуі олардың Конституцияға, ұлттық мүддеге және қоғам сұранысына сай болуын қамтамасыз етеді. Фракциялар арасындағы тұрақты диалог саяси мәдениеттің өсуіне ықпал етеді. Бұл өз кезегінде жауапкершілік пен өзара сенім қағидаттарын нығайтады.
Комитет жұмысының ашық жүргізілуі азаматтардың заң шығару процесіне деген қызығушылығы мен сенімін арттырады. Қоғам қабылданатын шешімдердің қалай және қандай негізде қабылданатынын көре алады. Мұндай ашықтық өкілді биліктің беделін көтереді. Парламенттік демократияның дамуы мемлекет пен қоғам арасындағы байланысты күшейтеді. Нәтижесінде саяси тұрақтылық пен ұзақ мерзімді даму үшін берік институционалдық негіз қалыптасады.
КЕНЖЕНБАЕВА АЙМАН УТЕНБАЕВНА, Қоғамдық келісім және даму бөлімінің басшысы