Самсы ауылның кітапханасында бүлдіршіндер мен тәрбиешілердің қатысуымен еліміздегі этностар арасындағы татулық пен бірлікті дәріптейтін тәрбиелік мәні зор іс-шара ұйымдастырылды.
Шараның негізгі мақсаты – Қазақстанда тұратын түрлі этнос өкілдерінің бай мәдениеті мен салт-дәстүрін таныстыру, жас ұрпақтың бойында достық, сыйластық және бір-бірін түсіну сияқты адами құндылықтарды қалыптастыру.
Іс-шара барысында балалар қазақ, өзбек, ұйғыр, кәріс, орыс, украин және басқа да этностардың ұлттық киімдерін киіп, сахналық қойылымдар, өлеңдер мен би өнерін көрсетті. Қолдарына Қазақстанның көк туын, түрлі-түсті шарлар ұстаған бүлдіршіндер ел бірлігінің, бейбітшіліктің және татулықтың рәмізін паш етті.
Кітапхана қызметкерлері арнайы көрме ұйымдастырып, онда еліміздің тарихы, ұлттық мәдениеті және халықтар достығы тақырыптарындағы кітаптар мен альбомдар қойылды.