Қоршаған ортаның тазалығы тек коммуналдық қызметтердің жұмысына байланысты емес. Әр тұрғынның күнделікті әрекеті елді мекеннің санитарлық жағдайына тікелей әсер етеді.
Көшеге қоқыс тастамау, тұрмыстық қалдықтарды белгіленген орындарға шығару, ауланы таза ұстау және қоғамдық мүлікке ұқыпты қарау – қарапайым болғанымен, маңызды талаптар.
«Таза Қазақстан» бастамасы осы қарапайым қағидаларды қоғамның тұрақты әдетіне айналдыруды көздейді.
Мәселен, Астанада қоғамдық орындардың тазалығын сақтау бойынша рейдтер жүргізіліп, қоқысты белгіленбеген жерге тастау және аумақтарды тиісті деңгейде күтіп ұстамау фактілерінің алдын алу жұмыстары күшейтілген.
Тазалық мәдениеті қалыптасқан жерде қоғамдық тәртіп те нығая түседі. Сондықтан таза орта қалыптастыру әр азаматтың өз ауласынан, өз көшесінен басталуы керек.