Қоршаған ортаның тазалығы – бір күндік акциямен шектелмейтін ортақ міндет. Осы бағытта елімізде тұрақты түрде жүзеге асырылып келе жатқан «Таза Қазақстан» бастамасы тұрғындарды туған жерді таза ұстауға және елді мекендерді абаттандыруға жұмылдырып келеді.
Алматы облысында да экологиялық жұмыстар жүйелі түрде ұйымдастырылуда. Бұған дейінгі тазалық шараларында ондаған мың тұрғын қатысып, қоғамдық орындар, демалыс аймақтары мен елді мекендер аумағы тазартылды.
Тазалық жұмыстарына мемлекеттік мекеме қызметкерлері ғана емес, жастар, еріктілер, кәсіпкерлер және қарапайым тұрғындардың қатысуы – бастаманың қоғамдық сипатқа ие болғанын көрсетеді.
Таза аула, таза көше, көгалдандырылған орта – тұрғындардың өмір сапасына тікелей әсер ететін маңызды фактор. Сондықтан қоршаған ортаға жанашырлық таныту әр азаматтың күнделікті әдетіне айналғаны маңызды.