Еліміздің барлық өңірлерінде «Таза Қазақстан» республикалық акциясы аясындағы тазалық және абаттандыру жұмыстары жалғасып жатыр. Акция барысында елді мекендердің көшелері, саябақтар, өзен-көлдердің жағалаулары мен қоғамдық орындар тазартылып, жасыл желектерге күтім жасалуда.
Тұрғындар мен еріктілердің белсенді қатысуының арқасында көптеген аумақтар қоқыстан тазартылып, экологиялық мәдениетті қалыптастыруға бағытталған жұмыстар жүйелі түрде жүргізілуде.
Ұйымдастырушылардың айтуынша, акцияның негізгі мақсаты – қоршаған ортаны қорғау мәдениетін қалыптастырып, тұрғындарды туған жердің тазалығына жауапкершілікпен қарауға шақыру.