1972 жылдың 24 сәуірінде Алматы облысы Жамбыл ауданының Қасымбек ауылында дүниеге келген.
1979 жылы туған ауылындағы Қасымбек орта мектебіне оқуға қабылданып, 1989 жылы мектепті аяқтады. Мектепті бітіргеннен кейін бірден жоғары білім алу мүмкін болмағандықтан, Мынбаев ауылдық учаскелік ауруханасына санитар болып жұмысқа орналасты. Осы кезеңде оның медицина саласына деген қызығушылығы артып, болашақ мамандығын осы салаға арнауға деген шешімі нығая түсті.
1995 жылы Республикалық медициналық колледжге оқуға түсіп, 1997 жылы оқу орнын сәтті аяқтады. Диплом алғаннан кейін Мынбаев учаскелік ауруханасына қайта оралып, медициналық мейірбике қызметін атқарды. Бұл мекемеде 2003 жылға дейін еңбек етті.
2004 жылдан бастап туған ауылы Қасымбек ауылындағы дәрігерлік амбулаторияда қызмет атқарып келеді және бүгінгі күнге дейін сол жерде еңбек етуде.
Аксана Юрьевна әріптестері мен ауыл тұрғындары арасында зор құрметке ие. Жедел жәрдем қызметі әлі болмаған кездерде ауыл тұрғындары күндіз-түні медициналық көмекке жүгініп, ол науқастардың жағдайын дер кезінде дұрыс бағалап, білікті көмек көрсетіп, талай адамның өмірін сақтап қалды.
Біз Аксана Юрьевнаға адал еңбегі, жоғары кәсібилігі мен адамгершілігі үшін шексіз алғысымызды білдіреміз. Қазіргі таңда медицина қызметкері болу — тек дипломмен ғана емес, іс жүзінде де үлкен жауапкершілік пен жанқиярлықты талап ететін мамандық, ал Аксана Юрьевна — осының айқын үлгісі.
Тупикина Аксана Юрьевна
