Тұрмыстық зорлық-зомбылық – бүгінгі қоғамның ең өзекті және ауыр мәселелерінің бірі. Ол адамның физикалық денсаулығына ғана емес, психологиялық жағдайына, ертеңгі күнге деген сеніміне, балалардың тәрбиесі мен болашағына да орны толмас зиян келтіреді. Көбінесе бұл құбылыс «отбасылық жанжал» деп жасырылып, тиісті шаралар қабылданбай қалады. Бірақ зорлық-зомбылықты ешбір жағдай ақтамайды.
Әрбір азамат зорлық-зомбылықтың кез келген түріне төзбеушілік танытып, оған қарсы тұруы керек. Жәбірленушілерге қолдау көрсету, олардың құқықтарын қорғау, заң талаптарын қатаң сақтау – мемлекеттің ғана емес, бүкіл қоғамның міндеті. Отбасындағы сыйластық, өзара түсіністік пен құрмет – берік шаңырақтың басты тірегі. Әр адамның жеке шекарасын құрметтеу, даулы мәселелерді бейбіт жолмен шешу – нағыз мәдениеттіліктің белгісі.
Есіңізде болсын: қауіпсіз қоғам – әркімнің саналы таңдауынан басталады. Егер сіз немесе жақындарыңыз зорлық-зомбылыққа тап болсаңыз, үндемей қалмаңыз. Көмек сұраудан тартынбаңыз. Өйткені біз бірге ғана зорлық-зомбылықты жеңе аламыз!