Халық Кеңесінің бүкілхалықтық референдум өткізуге бастамашыл бола алуы – демократиялық қоғамның айқын көрінісі. Бұл тетік арқылы азаматтар мемлекеттің саяси, әлеуметтік және экономикалық дамуына тікелей ықпал ете алады. Референдум халықтың еркін білдірудің ең жоғары формаларының бірі болып саналады, себебі онда әрбір азаматтың дауысы тең дәрежеде ескеріледі.
Халық Кеңесінің мұндай бастама көтеруі биліктің халықпен санасатынын және қоғам пікірін маңызды деп қабылдайтынын көрсетеді. Бұл өз кезегінде мемлекеттік шешімдердің легитимділігін арттырып, халық пен билік арасындағы өзара сенімді күшейтеді. Сонымен қатар, референдум қоғамдағы маңызды мәселелерді ашық талқылауға мүмкіндік беріп, азаматтардың құқықтық және саяси сауаттылығын арттыруға ықпал етеді.
Дегенмен, бүкілхалықтық референдум өткізу үлкен жауапкершілікті талап етеді. Халыққа ұсынылатын мәселелер нақты, түсінікті әрі жан-жақты сараланған болуы тиіс. Ақпараттық жұмыстар әділ жүргізіліп, әр азаматтың саналы таңдау жасауына жағдай жасалуы қажет. Тек осы жағдайда ғана референдум шынайы халық еркін білдіретін тиімді құралға айналады.
Раймбердиева Майра, журналист