Атом энергетикасын дамыту, уран қорын стратегиялық тұрғыдан басқару, күн энергетикасына инвестиция салу және қолданыстағы электр станцияларын жаңғырту елдің энергияға деген сұранысын өтеуге бағытталған қадамдар болып саналады. Сонымен қатар атом электр станцияларын салу барысында қауіпсіздік талаптарын сақтау, экологиялық мәселелерді ескеру, отандық мамандарды даярлау және заманауи технологияларды меңгеру басты назарда болуы тиіс. Шетелдік серіктестермен ынтымақтастық қазақстандық мамандардың тәжірибесін арттырып, жаңа технологиялық өндірістердің қалыптасуына мүмкіндік бере алады. Ең маңыздысы – барлық шешімдер ұлттық мүддеге сай қабылданып, энергетикалық жобалардың тиімділігі, қауіпсіздігі мен ұзақ мерзімді пайдасы нақты бағалануы қажет.
Атамекен ақпарат