конституциялық жүйені жетілдіру мен мемлекеттік басқару институттарын жаңғыртуға бағытталған маңызды қадам болып отыр. Ел Парламентінің өкілеттіктері мен рәсімдерін, Президент пен Вице-президенттің құқықтық мәртебесін қайта қарау, бір палаталы Парламент моделіне көшу аясында заң шығару процесін жаңғырту – бұл мемлекеттік басқарудың тиімділігін арттыруға және ашықтығын қамтамасыз етуге бағытталған жүйелі шаралар.
Қазақстан Халық Кеңесін құру – азаматтардың мүддесін тікелей білдіретін жаңа жоғары консультативтік органның құрылуын қамтамасыз етеді. Бұл орган заң шығару бастамасы құқығына ие болып, халық пен билік арасындағы диалогты тереңдетеді, қоғамдық бақылау мен азаматтардың қатысуын күшейтеді.
Сонымен қатар, Конституциялық соттың мәртебесі мен тәуелсіздігіне қатысты нормалардың Конституция жобасына енгізілуі – құқықтық жүйенің сенімділігін арттыруға, конституциялық бақылаудың тиімділігін қамтамасыз етуге және Конституцияның үстемдігін ел аумағында нақты жүзеге асыруға мүмкіндік береді. Конституциялық Сот шешімдерінің құқықтық салдарының нақты айқындалуы да құқықтық жүйенің тұрақтылығын нығайтады.
Жалпы алғанда, ұсынылып отырған түзетулер пакеті – мемлекеттік институттардың рөлін күшейтетін, азаматтардың құқықтары мен мүдделерін қорғауды қамтамасыз ететін, конституциялық реформаның стратегиялық қадамы ретінде бағалануы тиіс.
Ахметжанов Нурлан Улатаевич, аудандық мәслихат депутаты