символдық әрі мазмұндық тұрғыдан маңызды қадам болуы мүмкін. Бұл ұғым қазақ халқының тарихи кеңістігін, өркениеттік сабақтастығын, тәуелсіздікке дейінгі және кейінгі рухани-мәдени тамырын жинақтап көрсетеді. Преамбула — мемлекеттің құндылықтық бағдарын айқындайтын мәтін, сондықтан «Ұлы Дала» сияқты ұғым ұлттық бірегейлікті, тарихи жадыны және мемлекеттілік идеясын күшейтуге қызмет ете алады.
Сонымен бірге, Конституция — құқықтық құжат екенін де естен шығармау қажет. Преамбуладағы әрбір тұжырым қоғамның барлық мүшесіне ортақ әрі біріктіруші болуы тиіс. «Ұлы Дала» ұғымы поэтикалық, мәдени-тарихи мағынасы терең болғанымен, оның мазмұны барша азаматқа бірдей түсінікті және инклюзивті түрде берілуі маңызды. Бұл ұғымды бір ғана этностың емес, Қазақстанды мекендейтін барлық халықтың ортақ тарихи кеңістігі мен тағдыры ретінде ұсыну — басты шарт.
Қорытындылай айтқанда, «Ұлы Дала» ұғымын Конституцияның Преамбуласына енгізу ұлттық идеяны нығайтып, тарихи сабақтастықты айқындауға мүмкіндік береді. Алайда ол құқықтық мәтіннің табиғатына сай, біріктіруші әрі заманауи мағынада тұжырымдалса ғана өз миссиясын толық орындай алады.
Күміс Пармашқызы, Жамбыл ауданының құрметті азаматы