Қазақстанда скринингтерден уақтылы өту, вакцинация туралы мәліметтерді тексеру және көрсетілген медициналық қызметтерді растау үшін жаңа цифрлық сервистер енгізілуде.
📩 19 қазаннан бастап Ақмола, Абай және Ұлытау облыстарында 1414 бірыңғай байланыс орталығы арқылы скринингтерден өту қажеттілігі туралы жеке SMS-ескертпелер іске қосылады.
🔎 Жүйе профилактикалық тексеруден өтуі қажет азаматтарды алты бағыт бойынша автоматты түрде анықтайды: жүрек-қан тамырлары және онкологиялық ауруларды, қант диабетін, ми қан айналымының бұзылуын және вирустық гепатиттерді ерте анықтау.
💉 26 қазаннан бастап бүкіл елде вакцинация туралы SMS-хабарламаларды іске қосу жоспарланып отыр. Екпе медициналық жүйеде тіркелген соң азаматқа немесе баланың заңды өкіліне вакцинация түрі мен күні көрсетілген хабарлама келеді.
❗ Егер мәліметтер шындыққа сәйкес келмесе, азамат 1414 нөміріне жауап хабарлама жіберіп, хабарлай алады. Ақпарат тексеру үшін Санитарлық-эпидемиологиялық бақылау комитетіне жіберіледі.
Сонымен қатар Денсаулық сақтау министрлігі пациенттерді цифрлық сәйкестендіруді кеңейтіп жатыр. 7 қазанға қарай 135,9 млн тіркелген қабылдаудың 73%-ы цифрлық сәйкестендіруден өтті. Бүгінде механизм 1 278 медициналық қызмет түрін қамтиды. 1 желтоқсаннан бастап тізімді тағы 736 түрге кеңейту жоспарланып отыр.
Бізбен бірге болыңыз: Atameken_press
#скрининг #вакцинация #1414 #Минздрав #цифрландыру #Қазақстан #денсаулық #жаңалықтар