Алматы облысының Іле ауданында үш ауысымды оқыту мәселесін шешу үшін жаңа мектептер салу жұмыстары жалғасуда.
Соңғы екі жылда ауданда екі білім ордасы пайдалануға беріліп, үш ауысымды мектептер саны **18-ден 16-ға** қысқарды. Алдағы уақытта тағы бес мектеп салу арқылы бұл көрсеткішті екі есеге азайту көзделіп отыр.
Бүгінде ауданда 58 мектеп жұмыс істейді, онда 67 мыңға жуық оқушы білім алады. Облыс бойынша үш ауысымды мектептердің ең көбі осы ауданда орналасқан.
Атқарылған жұмыстар:
✅ 2025 жылы М. Түймебаев ауылында 900 орындық мектеп ашылды
✅ Биыл Нұрғиса Тілендиев ауылында дәл осындай сыйымдылықтағы тағы бір мектеп ашылды
Жоспарда:
🔹 Өтеген батыр, Байсерке және Жайнақ ауылдарында үш жаңа мектеп салу
🔹 2027 жылы Асқар Тоқпанов және Екпінді ауылдарында тағы екі білім нысанын салу
«Жасыратыны жоқ, облыс бойынша үш ауысымды мектептердің ең көбі біздің ауданда орналасқан. Бұл — бізді алаңдатып отырған негізгі мәселелердің бірі. Алдағы жобалардың нәтижесінде үш ауысымды мектептер санын екі есеге азайтуды жоспарлап отырмыз. Басты мақсатымыз — әр баланың қолайлы жағдайда сапалы білім алуына мүмкіндік жасау», — деді аудан әкімі Қайыржан Жақсымбетов.
Бізбен бірге болыңыз: Atameken_press
#Ілеауданы #мектеп #үшауысым #білім #Алматыоблысы #Қазақстан #жаңалықтар