Алматы облысында жыл басынан бері 36 мыңнан астам азамат жұмыспен қамтылды. Олардың 27 мыңнан астамы тұрақты жұмысқа орналасса, 9 мыңға жуық тұрғын уақытша жұмыспен қамтамасыз етілген.
Өңірде әсіресе жастарды еңбек нарығына тартуға, сұранысқа ие мамандықтарды меңгертуге және кәсіпкерлікті дамытуға басымдық беріліп отыр.
Биыл Алматы облысында 6 854 жас азамат жұмысқа орналасқан. Жұмыс іздеушілердің басым бөлігі Enbek.kz электрондық еңбек биржасы арқылы лайықты бос орындар тапқан. Сонымен қатар тұрғындар қоғамдық жұмыстарға, әлеуметтік жұмыс орындарына және «Күміс жас» жобасына тартылды.
Кәсіптік оқыту:
📚 584 азамат қысқа мерзімді кәсіби даярлау курстарына жіберілді — шаштараз, аспаз, тігінші және сұлулық индустриясы салаларында
🎓 Курстарды аяқтағандардың жартысынан астамы жұмысқа орналасты
Цифрлық білім:
💻 3 мыңға жуық адам Skills Enbek платформасында білім алды
📈 1 887 тұрғын «Бастау Бизнес» жобасы аясында кәсіпкерлік негіздерін меңгерді
Бұл шаралар азаматтардың еңбек нарығындағы мүмкіндіктерін кеңейтуге және өңірдің экономикалық белсенділігін арттыруға бағытталған.
Бізбен бірге болыңыз: Atameken_press
#жұмыспенқамту #Алматыоблысы #жастар #Enbek #БастауБизнес #SkillsEnbek #Қазақстан #жаңалықтар