Қазақстандық «еркін күрес» балуаны Нұрқожа Қайпанов Астанада өткен күрестен әлем чемпионатында күміс жүлдегер атанды. Қайпанов 74 келіге дейінгі салмақта ресейлік Иналбек Шериевке 4:10 есебімен жол берді.
Нұрқожа — осы әлем чемпионатында финалға шыққан Қазақстан құрамасының жалғыз балуаны.
«Қазақстан халқын қуантқым келді. Белдесу мен үшін өте ауыр болды. Себебін білмеймін. Мүмкін жауапкершілік сезімі әсер еткен шығар», — деді Нұрқожа Қайпанов журналистерге.
Кейін Қайпановтың қарсыласы Иналбек Шериев бүкіл көрермен қазақстандық үшін жанкүйер болғанын атап өтті.
📸 ҚР ҰОК/Сали Сабиров
Бізбен бірге болыңыз: Atameken_press
#күрес #Қайпанов #әлемчемпионаты #күміс #Астана #Қазақстан #жаңалықтар