Елімізде биылдан бастап 10 шілде «Ветеринария қызметкерлері күні» болып бекітілді. Жаңа мереке жануарлардың денсаулығы мен жануарлардан алынатын өнімдердің қауіпсіздігін қамтамасыз етуге үлес қосатын ветеринарлық мамандардың еңбегінің маңыздылығын атап өтуге арналған.
2011 жылы құрылған ҚР Ауыл шаруашылығы министрлігінің Ветеринариялық бақылау және қадағалау комитеті осы саладағы қызметті реттейтін және бақылайтын негізгі органға айналды.
Қазақстанда малшылар күні, орман шаруашылығы қызметкерлерінің күні, ауыл шаруашылығы, тамақ және өңдеу өнеркәсібі қызметкерлерінің күні, балық шаруашылығы қызметкерлерінің күні сияқты кәсіби мерекелер аталып өтіледі.