Сүлейменов Қанат Батырбекұлы 1970 жылдың 5 наурызында Жамбыл ауданы, Талап ауылдық округіне қарасты Сұраншы батыр ауылында дүниеге келген. 1992 жылы отбасын құрып, бүгінде 3 қыз және 1 ұл тәрбиелеп отырған ардақты әке.
Қанат Батырбекұлы 2014 жылдан бастап Сұраншы батыр ауылындағы су жүйесінде еңбек жолын бастап, 2018 жылдан бері “Майбұлақ” ШЖҚ МКК Сұраншы батыр ауылының сантехник қызметін атқарып келеді. Ол өз ісіне үлкен жауапкершілікпен қарап, ауыл тұрғындарының тұрмысын жақсартуға елеулі үлес қосып жүрген еңбек адамы.
Күнделікті тіршіліктің тынысын қамтамасыз етіп отырған Қанат Батырбекұлының еңбегі – көзге көріне бермейтін, бірақ аса маңызды жұмыс. Оның тынымсыз тірлігі мен адалдығы – ауыл халқының алғысына бөленіп жүрген жанның шынайы бейнесі.
