Адам өмірі – ең қымбат байлық. Сол өмірді сақтауға, уақытылы көмек көрсетуге дәрігерлермен бірге тынымсыз еңбек етіп жүрген жандардың бірі – Естаев Жүнісбек. Ол – дәрігерлік амбулаторияның сенімді жүргізушісі, өз ісіне берілген, жауапкершілігі жоғары азамат.
Жүнісбек аға күн-түн демей, ауа райының қолайсыздығына қарамай, шұғыл шақыртуларға дер кезінде жетіп, дәрігерлерді науқастарға жеткізуді өз міндеті санайды. Әрбір минуттың адам өмірін құтқаруда шешуші рөл атқаратынын жақсы түсінетін ол, әрдайым жылдамдық пен сақтықты қатар ұстайды.
Көп жылдық тәжірибесі бар жүргізуші ретінде көліктің жағдайын үнемі бақылауда ұстап, техникалық қауіпсіздік ережелерін мұқият сақтайды. Жолдағы сабырлы мінезі мен жауапты әрекеті – дәрігерлер ұжымының сенімін нығайтып, олардың жұмысының нәтижелі болуына үлкен септігін тигізуде.
Жүнісбек Естаев – өз ісін сүйетін, елге адал қызмет етіп жүрген еңбек адамы. Оның еңбегі – халық денсаулығын қорғауға қосқан үлкен үлес. Осындай қарапайым, бірақ қоғам үшін аса маңызды қызмет атқарып жүрген азаматтар – нағыз ерлер, нағыз еңбек майталмандары.
