15 наурызда өтетін жаңа Конституцияны қабылдау жөніндегі референдум – ел өміріндегі маңызды әрі жауапты кезеңдердің бірі. Конституция – мемлекеттің даму бағытын айқындайтын басты құжат, ол қоғамдағы тұрақтылықтың, заң үстемдігінің және азаматтардың құқықтары мен бостандықтарының берік кепілі болып табылады. Сондықтан мұндай тарихи маңызы бар шешімнің бүкілхалықтық референдум арқылы қабылдануы – халықтың пікіріне негізделген әділ әрі ашық қадам.
Бұл референдум – ел тағдырына бейжай қарамайтын әр азаматтың өз ұстанымын білдіруіне берілген үлкен мүмкіндік. Жаңа Конституция Қазақстанның одан әрі дамуына, мемлекеттік басқару жүйесінің тиімділігін арттыруға және әділетті қоғам қалыптастыруға тың серпін береді деп сенемін. Сондықтан барша азаматтарды осы маңызды саяси науқанға белсенді қатысып, ел болашағына өз үлесін қосуға шақырамын.
Бибісара Жамыхановна, зейнеткер ұстаз
