Қазақстан Үкіметінде мемлекеттік шекарадағы автомобиль өткізу пункттерінің жұмысына қатысты жедел кеңес өтті.
10 тамызда өткен кеңесте өткізу пункттеріндегі ағымдағы ахуал, көлік ағынын ұйымдастырудың тиімділігін арттыру және шекара арқылы өтетін азаматтар мен көлік құралдары үшін қажетті жағдайларды қамтамасыз ету мәселелері қаралды.
Көлік ағынын тиімді ұйымдастыру, өткізу бекеттерінің жұмысын жетілдіру және тиісті мемлекеттік органдардың өзара іс-қимылын күшейту мәселелеріне назар аударылды.
Мемлекеттік шекараның қауіпсіздігі мен өткізу пункттерінің тұрақты жұмысы елдің қоғамдық және ұлттық қауіпсіздігін қамтамасыз етудің маңызды бағыттарының бірі саналады.
