Электр энергиясының жеткілікті болуы өндірістің дамуына, кәсіпкерліктің кеңеюіне және халықтың тұрмыс сапасының артуына тікелей әсер етеді. Сондықтан жаңа энергия көздерін іске қосу, қолданыстағы станцияларды жаңғырту және білікті энергетик мамандарды даярлау – уақыт талабы. Түркістан, Қызылорда, Алматы және Екібастұз қалаларындағы энергетикалық жобалардың сапалы әрі уақтылы жүзеге асуы елдің энергия тапшылығын азайтуға ықпал ете алады. Ең бастысы, энергетика саласына салынған инвестиция нақты нәтижесін беріп, халық пен кәсіпорындарды тұрақты электр қуатымен қамтамасыз етуге бағытталуы тиіс. Энергетикалық қауіпсіздік – еліміздің тұрақты дамуының негізі!
Атамекен ақпарат
