Суперкомпьютерлерді іске қосу, деректерді өңдеу орталықтарын салу және заманауи телекоммуникациялық инфрақұрылымды дамыту жаңа мүмкіндіктерге жол ашады. Алайда цифрландырудың басты мақсаты тек озық технологияларды енгізу емес, олардың халықтың күнделікті өміріне және экономиканың нақты секторларына пайда әкелуі болуы тиіс. Мемлекеттік қызметтерді жеңілдету, кәсіпкерлердің жұмысын оңтайландыру, білім беру мен денсаулық сақтау салаларының сапасын арттыру – цифрлық шешімдердің нақты нәтижесі. Сондықтан әрбір жоба тиімділігі мен қоғамға беретін пайдасы тұрғысынан бағалануы қажет. Жаңа технологияларды сауатты әрі жүйелі пайдалану Қазақстанның инновациялық дамуына серпін беріп, халықтың өмір сүру сапасын жақсартуға мүмкіндік береді.
Атамекен ақпарат
