Қазірде науқастың жағдайы тұрақты. Дәрігерлердің бақылауында. Отаны хирургия бөлімінің білікті мамандары жасады. 49 жастағы Дмитрий Литвинов қалалық көпсалалы аурхана ішқұрылысының ауырсынуына шағымданып, өте ауыр жағдайда түскен. Науқасқа тексеріс жүргізіп, нәтижесінде алдыңғы қабырға жарықшалары диагнозы қойылды. Мамандардың сөзінше, науқас ұзақ уақыт дәрігерлерге қаралмаған. Салдарынан ауруы асқынып кетіпті. Сондықтан, бірден ота жасау бөліміне жіберілді. Бүгінде емделушінің жағдайы жақсарған.
«Өте жақсы әрі қиын ота жасалды. Дәрігерлерге алғыс айтам. Өз жұмысын жақсы білетін адамдар. Маған тағы бір өмір сыйлады десем артық емес. Отадан кейін өзімді жақсы сезінемін. Сондықтан барлық дәрігерлер мен қызметкерлерге алғыс айтқым келеді», — дейді науқас Дмитрий Литвинов.
Науқастың диагнозын растау үшін арнайы ультрадыбыстық тексеру жүргізілді. Дәрігерлердің сөзінше ота жасау барысында тоқ ішектің жарамсыз бөлігі анықталған. Сондықтан, интроперация жасау туралы шешім қабылданып, ішектің резекциясына аностомоз қолданылды.
«Науқас шұғыл жағдайда түсті. Тексеріс қорытындысында ішек пен іштін ауруларына бойынша алдыңғы қабырға грыжасы анықталды. Бізде ота жасау үшін аппараттармыз бар. Отадан кейін науқас өзің жақсы сезінді. Бірнеше уақыт бақылауда болды. Жағдайы жақсарған соң үйіне жібердік», — дейді хирург-дәрігер Тахир Шкуралиев.
Қонаев қалалық көп салалы ауруханасында ота жасау үшін барлық мүмкіндік қарастырылған. Бүгінде Хирургия бөлімінде 7 білікті дәрігер жұмыс істейді. Кәсіби шеберлігін шыңдау мақсатында жыл сайын шетелдердің жетекші мамандарымен тәжірибе алмасып, конференцияларға қатысады.
«Ауруханада ішек ауруларына қатысты отаны бірінші рет жасадық. Науқас өте ауыр жағдайда түсті. Бұған дейін бізде мұндай ауруларды емдеуге мүмкіндік жоқ еді. Бүгінде барлық аппараттар алынып, білікті мамандар жинақталды. Барлық дәрігерлер жас әрі білікті. Олар жыл сайын шетелдер өтетін конференцияларға қатысып, өзара тәжірибе алмасып жүр. Енді екі дәрігер Дубайда өтетін жиынғңа жиналуда. Бұл да біз үшін үлкен жетістік», — дейді аурухананың хирургия бөлімінің меңгерушісі Ринат Әбіжиев.
Айта кетерлігі, Қонаев көпсалалы ауруханасында 152 дәрігер, 300 аса мейірбике жұмыс істейді. Қатары жыл сайын жас мамандармен толығуда. Қызметкерлердің біліктілігін арттыру үшін арнайы оқыту курстары да қарастырылған. Мәселен, дәрігерлер Анталия, Дубай, Барселона, Түркия елдерінде өткен бірқатар семинарларға қатысты. Бұл дәстүр алдағы уақытта да жалғасын табады.
МӘМС қоры Алматы облыстық филиалы
