Болашақтың жарқын бейнесі – білімді ұрпақ.Біздің мектебіміздің мақтанышы, ерекше қабілетімен танылған оқушы Мотовилов Владимир осы жолда үлкен жетістіктерге қол жеткізіп, мектебімізді қуантты. Жақында ғана Астана қаласында өткен «Үздік ғылыми жоба авторы» атты республикалық байқауда жеңімпаз атанған Владимир өзінің білімге деген талпынысы мен жан-жақты ізденісі арқылы I дәрежелі дипломмен марапатталды.
Бұл жетістік – оның қажырлы еңбегі мен біліміне негізделген сапалы жобасының нәтижесі. Сонымен қатар, осы жетістікте бағыт-бағдар берген жетекші ұстазы, кәсіби шеберлігімен шәкіртін ғылымға баулыған Ақжолтай Ләйлә Нұрсұлтанқызыныңзор үлесі бар. Ұстаздың қолдауы мен шәкірттің еңбекқорлығы үйлесім тапқан жерде табысқа жету сөзсіз.
Ғылым жолы – ұлт болашағының жаршысы.Владимирдің жобасы байқауда жоғары бағаланып, оның жаңашыл идеялары қазылар алқасын тәнті етті. Осындай талантты жастың мектебімізде білім алуы біз үшін үлкен мәртебе.
Бұл жеңіс – тек бір оқушының ғана емес, мектеп ұжымының, оқушылар мен ұстаздардың ортақ қуанышы. Владимирге осы жеңісімен тоқтап қалмай, ғылымның сан қырлы белестерін бағындыра бер деп тілек білдіреміз. Оның ізденісі, еңбекқорлығы жас ұрпаққа үлгі болары анық.
Жас таланттың жеңісі – еліміздің болашағына қосылған үлес. Владимир мен оның ұстазын тағы да шын жүректен құттықтай отырып, білім мен ғылым жолындағы жаңа белестерді бағындыруға сәттілік тілейміз!
Елдар Жақыпбеков,
«Қарғалы №3» орта мектебі,
Жамбыл ауданы
