Воскресенье, 21 апреля, 2024
Басты бетЖаңалықтарАлматы облысында «109» біріңғай байланыс орталығы іске қосылды

Алматы облысында «109» біріңғай байланыс орталығы іске қосылды

Қазіргі таңда байланыс орталығына 800-ге жуық өтініш келіп түскен. Бұл туралы Өңірілік коммуникациялар қызметінің ақпараттық алаңында Алматы облысы цифрлық технологиялар басқармасының цифрландыру және ақпараттық қауіпсіздік бөлімінің басшысы Олжас Артықбай айтты.
Спикердің айтуынша, орталық мемлекеттік органдар мен коммуналдық кәсіпорындарды біріктіріп, тұрғындардың мәселелерін жылдам шешуге мүмкіндік береді.
Халық жылу, энергия, су, кәріз жүйелері, көшелерді жарықтандыру, қалалық жол инфрақұрылымдары,аула аумағын абаттандыру мен беті ашық қалған кәріз құдықтарына қатысты мәселелер төңірегінде өтініш қалдыра алады.
« Орталық биыл 11 қаңтарында техникалық түрде жұмысын бастады. Өңір тұрғындарын көбінесе коммуналдық мәселелерге байланысты сұрақтар мазалайды. Алайда, сұрақтары бойынша қай мекемеге жүгінерін білмейді. Білген күннің өзінде дер кезінде жауап ала алмайды. Осыған орай қала тұрғындарының коммуналдық мәселелерін оңтайлы және жылдам қарастыру мақсатында «109» бірыңғай байланыс орталығы өз жұмысын бастады,-дейді Олжас Артықбай
Олжас Артықбай, орталыққа қазіргі уақытта 762 өтініш келіп түсті. Олардың барлығы жауапты уәкілетті органдармен өз шешімін тапқанын, тәулігіне 50-ден 100-ге дейін өтініш қаралатынан атап өтті. Мәселе, 10-15 сағат көлемінде, немесе шешіміне байланысты 15 күн аралығында шешілетінін айтты.
Орталық қазіргі таңда Қонаев қаласында және Талғар ауданында жұмысын бастады.Бұдан бөлек, мамандар облыс көлемінде ұйымдастыру шаралары жүзеге асырылып жатқанын алға тартты.
Еске салайық, байланыс орталығы демалыссыз, тәулік бойы жұмыс жасайды.

RELATED ARTICLES

ЖАУАП ҚАЛДЫРУ

Пікіріңізді енгізіңіз!
мұнда сіздің атыңызды енгізіңіз

- Advertisment -

Most Popular

Recent Comments