Бұл — вирус тарамас үшін алдын ала қолданылған профилактикалық іс-шара
Қазақстанда маска тағу режимі қайта оралды. Елімізде коронавирус инфекциясын жұқтыру көбейгендіктен Бас мемлекеттік санитарлық дәрігер Айжан Есмағамбетова тиісті қаулыға қол қойды.
Ресми мәліметте биыл қаңтарда Ковид-19 ауруына шалдыққандар саны былтырғы желтоқсанмен салыстырғанда 2,5 есеге өскен. Алматы мен Астанада ауырғандар көп. Бірақ республикада эпидахуал тұрақты. Барлық өңір жасыл аймақта. Дегенмен вирус тарамас үшін алдын ала профилактикалық шаралар қабылданып жатыр.
