Жаңа жылда әлемдегі ең қуатты армиялардың тізімі жаңартылды.
АҚШ-тың «Global Firepower» әскери статистикалық сайты жасаған рейтингте Қазақстан армиясы 58-орынға тұрақтады.
Тізім бойынша қазақ әскері Орталық Азиядағы ең күшті армия атанды.
Қазақстандық әскерилер рейтингте бес сатыға көтеріліп, әскери қуаттылық рейтингінде 58-орынға орналасты.
2023 жылы Қазақстан армиясы 63-ші орында болдатын.
Қазақстан армиясының қорғаныс шығындары 7,5 миллиард АҚШ долларын құрады. Әскери қызметкерлердің жалпы саны 300 мың адамға жетті.
Тізімде Өзбекстан 65-ші, Қырғызстан 100-ші, Тәжікстан 107-ші орында тұр.
Рейтингте сарапшылар 145 елді әскери бөлімдердің саны, қаржылық жағдай, технологиялық даму, географиялық орналасуы және мобильділік сияқты 60 түрлі фактор бойынша бағалады.
