Жамбыл ауданындағы Жамбыл ауылының тұрғындарымен кездесуде елді мекендегі әлеуметтік және инфрақұрылымдық мәселелер талқыланды.
Кездесу барысында білім беру, медициналық көмек көрсету, мемлекеттік қызметтердің қолжетімділігі және интернет сапасы жөніндегі мәселелер көтерілді.
Ауыл тұрғындары үшін әлеуметтік қызметтердің қолжетімді болуы маңызды. Әсіресе шалғай елді мекендерде цифрлық және мобильді қызметтерді дамыту қашықтан білім алуға, телемедицина мүмкіндіктерін пайдалануға және мемлекеттік қызметтерді онлайн түрде алуға жол ашады.
Сонымен қатар тірек ауылдарда халыққа қызмет көрсету орталықтарының жекелеген міндеттерін атқаратын пошта бөлімшелерін ашу мәселесі де өзекті. Мұндай қызметтердің ауылда көрсетілуі тұрғындардың аудан орталығына қатынауын азайтып, қажетті құжаттар мен қызметтерді тұрғылықты жеріне жақын алуға мүмкіндік береді.
Кездесу барысында тұрғындар ауылдағы әлеуметтік қызметтердің сапасы мен қолжетімділігіне қатысты өз пікірлері мен ұсыныстарын білдірді.
