Оқушыларға шығармашылық қолдау көрсету мақсатында Еңбекшіарал орта мектебінде «Еңбекшіарал тайм» журналының тұсаукесер рәсімі салтанаты түрде өтті. Оқушы бойындағы таланты мен табиғи дарынын анықтау бағытында мектеп журналының жарыққа шығу бастамасын ұсынған білім ордасының директоры Ермекбаева Жанна Өмірбекқызы. Бұған дейін Ж.Өмірбекқызы Жамбыл атындағы орта мектепте оқушылардың журналын шығарып игі бастама көтерген болатын. Аталған мектепте де Ж.Ермекбаева өз ісін жалғастырып, «Еңбекшіарал тайм» журналының ашылуына ұйытқы болды.
Салтанатты рәсімде мектеп басшысы , журналдың бас редакторы Жанна Өмірбекқызы сөз алып,басылымның жарыққа шығуы жөнінде орнықты ой бөлісті.
Келесі кезектк журналдың редакторлары ұстаз ақын Қызырхан Асқар, Әскербек Құндыз болса, дизайнер Смағұл Аман екенін айта кеткен жөн. Бұл игілікті шараның ашылу салтанатына ақын Марат Құрманқұлұлы, қамқоршылық төрағасы Айдын Дәуренбаев, аудандық мәслихат депуттаты Аяз Смағұлов пен Қарасу орта мектебінің директоры Бағлан Шалқыбаева қатысып, басылымды шығарушы ұжымға сәттілік тіледі.
Жиынның жалғасы концерттік бағдарламаға ұласты.
Т.Тоқтасын.
