Зорлық-зомбылықсыз балалық шақ акциясы өтті

Кәмелетке толмағандарға қатысты зорлық-зомбылық пен қатыгездік көріністеріне  мүлдем төзбеушілікті қалыптастыру мақсатында  Ұзынағаш ауылындағы Абай гимназия мектебінде, Ш.Уәлиханов, Т.Рысқұлов, С.Бердіқұлов орта мектептерінде «Қатыгездіксіз және  зорлық-зомбылықсыз балалық шақ» акциясы өтті. Акцияға  «Полицияның жас  көмекшілері» клубының  мүшелері  және  Жамбыл  ауданы полиция бөлімінің  жергілікті полиция қызметі бөлімшесі ювеналды  полиция  тобының   инспекторлары қатысты. Шара барысында ата-аналар  мен балаларға «Сақтық жадынамалары»  таратылды.