Алматы облысында мүгедектігі бар адамдар үшін тиісті 963 орынның орнына бар болғаны 97 жұмыс орны бөлінген. Бұл бұзушылықты облыстық прокуратура анықтады.
Заң бойынша 50-ден астам адам жұмыс істейтін ұйымдар мүгедектігі бар азаматтар үшін жұмыс орындарының 4%-ына дейін бөлуі тиіс. Өңірде бұл талап 471 ұйымға қатысты. Алайда 2026 жылға квоталар олардың тек 55-і үшін ғана бекітілген.
«Талдау барысында заңмен белгіленген жұмыс орындары квотасы толық көлемде орындалмағаны анықталды. Прокурорлық қадағалау актісінен кейін бұзушылықтар жойылды. Жауапкершілікке шамамен бес лауазымды тұлға тартылды. Қазір Бас прокуратураның қолдауымен мұндай жұмыс бүкіл ел бойынша жүргізіліп жатыр», — деді Алматы облысы прокурорының көмекшісі Абылайхан Тәжібай.
Бізбен бірге болыңыз: Atameken_press
#прокуратура #мүгедектігібарадамдар #квота #жұмыспенқамту #Алматыоблысы #Қазақстан #жаңалықтар
