Тәжікстанда Қазақстан, Қырғызстан, Тәжікстан, Өзбекстан және Әзірбайжан ұлттық банктерінің өкілдерінің төртінші өңірлік кездесуі өтті. Толық мәліметті ҚР Ұлттық банкінің баспасөз қызметі жариялады.
Кездесуге қатысушылар Қазақстанның ұлттық QR-төлем жүйелерін біріктіру туралы ұсынысын қолдады. 2026 жылдың соңына дейін елдер Қазақстан, Қырғызстан, Тәжікстан, Өзбекстан және Әзірбайжан тұрғындарына шетелде өз банкінің қосымшасы арқылы сатып алуға және бір-біріне ақша аударуға мүмкіндік беретін тетік әзірлеуді жоспарлап отыр.
Тараптар сондай-ақ төлем жүйелерінің сенімділігін қамтамасыз ету мен кибершабуылдардан қорғауды, төлем жүйелерін қадағалауда ЖИ, SupTech, RegTech технологияларын қолдануды және алаяқтыққа қарсы іс-қимылдың өзекті тәжірибелерін талқылады.
Бізбен бірге болыңыз: Atameken_press
#QRтөлем #Ұлттықбанк #Қазақстан #Өзбекстан #Қырғызстан #Тәжікстан #Әзірбайжан #жаңалықтар
