Кәсіпорынның қуаттылығы жылына 1 млрд литрге дейін өнім шығарады. Алматы облысында Carlsberg Kazakhstan алкогольсіз сусындар шығаратын жаңа зауыты ашылды. Жобаға $344 млн инвестиция салынды.
Дания мен Қазақстанның экономикалық ынтымақтастығы:
Ашылу салтанатына Алматы облысының әкімі Шыңғыс Аринов, Данияның Сыртқы істер министрі Ларс Лёкке Расмуссен, Қазақстанның Сыртқы істер вице-министрі, Carlsberg Kazakhstan өкілдері және Боралдай тұрғындары қатысты.
Шыңғыс Ариновтың айтуынша, кәсіпорынды іске қосу өңірдің өнеркәсіптік әлеуетін дамытуға, инвестиция тартуға және бәсекеге қабілетті өнім өндіруді ұлғайтуға ықпал етеді.
«Carlsberg Kazakhstan компаниясының жаңа өндірістік нысанын іске қосу — осы бағыттағы ірі жобалардың бірі. Ол өңір экономикасын әртараптандыруға, инвестициялық белсенділікті арттыруға және бәсекеге қабілетті өнім шығару көлемін ұлғайтуға мүмкіндік береді», — деді әкім.
Ларс Лёкке Расмуссен кәсіпорынның ашылуы Қазақстан мен Дания арасындағы экономикалық ынтымақтастықтың дамуының бір мысалы екенін атап өтті.
Зауыт не шығарады:
Бірінші кезеңде зауытта әртүрлі дәмдегі сусындар шығаруға және оларды қаптауға арналған бес өндірістік желі жұмыс істейді. Кейін логистикалық инфрақұрылымды, оның ішінде қойма қуаттары мен дайын өнімді тасымалдау жүйесін кеңейту жоспарланып отыр.
Шикізатты кәсіпорын қазақстандық жеткізушілерден сатып алуды жоспарлап отыр. Бұл импорттық шикізатқа тәуелділікті азайтып, отандық өндірушілердің өніміне сұранысты арттырады.
Өндірісте суды, электр энергиясын және жылу ресурстарын тиімдірек пайдалануға бағытталған технологиялар да енгізілген.
Бізбен бірге болыңыз: Atameken_press
#Carlsberg #Алматыоблысы #Боралдай #инвестиция #сусындар #Дания #экономика #Қазақстан #жаңалықтар
