2025 жыл — Мемлекет басшысы Қасым-Жомарт Тоқаевтың Жарлығымен деп жарияланды. Бұл бастама – ел экономикасының тірегі болған, маңдай терімен нәпақа тауып, адал еңбегін қоғам игілігіне арнаған жандарға құрметтің белгісі.
Сол еңбекті бағалайтын жылдың кейіпкерлерінің бірі — Қарақастек ауылдық округіне қарасты Үшбұлақ ауылының тұрғыны — Бекбатыров Жасұлан.
Жасұлан ағамыз бала күнінен-ақ еңбектің қадірін біліп өсті. Ауылдың шаң басқан соқпағымен өскен ол туған жерінің ырысын арттыруды мақсат етіп, 2025 жылы «Ауыл аманаты» бағдарламасы аясында 9 200 000 теңге көлемінде несие алып, жеке шаруашылығын дамытуға бел буған еді.
Бүгінде ол алған қаражатқа сауын сиырлар санын көбейтіп, туған ауылында сүт өндірісін жолға қойып отыр. Таңның атысынан күннің батысына дейін маңдай терін төгіп, төрт түліктің бабын тауып, нәсібін малдан тауып отырған еңбек адамы.
Жасұлан сынды қарапайым, бірақ қажырлы азаматтар — ауылдың сәні, елдің берекесі. Олардың тынымсыз тірлігі — ауыл экономикасының күретамыры, болашақ ұрпаққа үлгі боларлық өмір мектебі.
Біз осындай ел үшін тер төккен азаматтармен мақтанамыз!
