Соңғы тәулікте Алматы облысында коронавирустық инфекцияны жұқтырудың 137 жаңа жағдайы анықталды: 14 жасқа дейінгі балалар арасында 14 жағдай, 18-і оқушы мен 8-і студент арасында тіркелген. Індеттің өсу қарқыны 0,3%-ды құрады.
Ауру жұқтырғандардың ең аз саны Текелі қаласында, Ақсу және Ескелді аудандарында 1 адамнан тіркелді, ал жұқтырғандардың ең көп саны Панфилов ауданында анықталды, онда соңғы тәулікте 15 адам анықталды.
Айта кету керек, 13 қазандағы жағдай бойынша облыста КВИ зертханалық расталған 53135 жағдай тіркелген. Соңғы 2 аптадағы өсім қарқыны 0,4% — дан 0.3%-ға дейін төмендеді.
