Алматы облысында кәмелетке толмағандар арасындағы құқықбұзушылықтардың алдын алу бойынша дөңгелек үстел өтті. Оған кәмелетке толмағандар істері жөніндегі мамандандырылған ауданаралық соттың төрағасы қатысты.
Талқылауға кәмелетке толмағандар істері жөніндегі комиссия, ювеналдық полиция, көші-қон қызметі, прокуратура, қамқорлық органдары, Отбасын қолдау орталығы, Жастар саясаты орталығының өкілдері және психолог қатысты.
Негізгі тақырыптардың бірі — жасөспірімдер арасындағы буллинг пен кибербуллинг болды. Қатысушылар мұндай жағдайлардың себептерін, олардың кәмелетке толмағандардың психологиялық жағдайына әсерін және балалардың құқықтарын қорғау тетіктерін талқылады.
Сонымен қатар жасөспірімдер қылмысының алдын алу, құқықтық тәрбие және кәмелетке толмағандардың құқықтық сауаттылығын арттыру мәселелері қаралды.
Сот төрағасы жасөспірімдердің құқықбұзушылық жасауына ықпал етуі мүмкін факторларды уақтылы анықтау қажеттігіне назар аударды.
Жиын қорытындысында қатысушылар кәмелетке толмағандармен профилактикалық жұмысты жалғастыру және мемлекеттік органдар, білім беру ұйымдары мен ата-аналар арасындағы өзара іс-қимылды күшейту қажеттігін атап өтті.
Подписывайтесь на нас: Atameken_press
#буллинг #кибербуллинг #Алматыоблысы #ювеналдықсот #балаларқұқығы #Қазақстан #новости
