Жексенбі, Қараша 27, 2022
Басты бет Қаржылық сауаттылық ҚР Қаржы нарығын реттеу және дамыту агенттігінде Қоғамдық қабылдау бөлмесі жұмыс істейді

ҚР Қаржы нарығын реттеу және дамыту агенттігінде Қоғамдық қабылдау бөлмесі жұмыс істейді

ҚР Қаржы нарығын реттеу және дамыту агенттігінің қоғамдық қабылдау бөлмесіне жүгіну арқылы азаматтар ақпараттық-анықтамалық сипаттағы консультациялар ала алады және қаржы реттеушісінің қызметіне қатысты мәселелерді жедел шеше алады.

Қаржы реттеушісінің өкілдері өтініш берушілердің әрбір өтінішін қарайды және банк, сақтандыру, микроқаржы салаларындағы заңнама нормаларына, коллекторлық агенттіктер мен кредиттік бюролардың қызметіне, сондай-ақ бағалы қағаздар нарығының кәсіби қатысушыларына жан-жақты түсіндірмелер береді. Қажет болған жағдайда қоғамдық қабылдау бөлмесінің қызметкерлері қарыз алушылар үшін банктердің, МҚҰ немесе қоғамдық бірлестіктердің өкілдерімен кездесулер ұйымдастыра алады.

Қоғамдық қабылдау бөлмесінің жұмыс уақыты – дүйсенбіден жұмаға дейін сағат 10.00-ден 13.00-ге дейін және сағат 15.00-ден 17.00-ге дейін.

Тұтынушылар сонымен қатар Агенттіктің құрылымдық бөлімшелерінің басшылығы Қоғамдық қабылдау бөлмесінде өткізетін азаматтардың жеке қабылдауына жазыла алады. Өтініш берушілерді жеке қабылдау кестесімен мына сілтеме бойынша танысуға болады: https://www.gov.kz/memleket/entities/ardfm/press/article/details/15240?lang=ru.

Агенттіктің Қоғамдық қабылдау бөлмесіне қалай жазылуға болады?

Ол үшін:

Yermek.Utemisov@finreg.kz электрондық мекенжайына өзінің аты-жөнін, ЖСН, байланыс деректерін, ұйымның толық атауын, өтініштің қысқаша сипаттамасын жіберу керек және міндетті түрде «Азаматтарды қабылдауға жазылу» тақырыбын көрсетуі немесе осы ақпаратты қоғамдық қабылдау бөлмесінің қызметкеріне ауызша хабарлауы қажет;

– портал арқылы ресми өтініш беру egov.kz, «e-Otinish» ақпараттық жүйесі арқылы немесе жазбаша түрде: А15с9т5, Алматы қ., Көктем-3 шағынауданы, 21 үй мекенжайы бойынша.

Өңірлердің тұрғындары тұрғылықты жері бойынша Агенттіктің Өңірлік өкілдер басқармаларына жүгіне алады. 

Өтініш берушінің мәселенің мәні баяндалмаған қабылдау туралы өтініші қараусыз қалдырылады.

Қосымша кеңес алу үшін Агенттікке «1459» нөмірі бойынша (жұмыс кестесі: дүйсенбі – жұма сағат 9.00-ден 17.00-ге дейін) немесе «Fingramota Online» мобильдік қосымшасы арқылы хабарласа аласыз.

RELATED ARTICLES

ЖАУАП ҚАЛДЫРУ

Пікіріңізді енгізіңіз!
мұнда сіздің атыңызды енгізіңіз

- Advertisment -

Most Popular

Recent Comments