Өткен аптада Алматы облыстық жедел жәрдем станциясының жұмысы төтенше жағдайда жүргізілді. Барлық бригадалар қосымша фельдшерлер мен дәрігерлермен жасақталды. Облыстағы жаппай тәртіпсіздік кезінде 337 адам медициналық көмекке жүгінді. Тұрақты негізде 206 жедел жәрдем көлігі медициналық көмек көрсетті, оның 22-сі Талдықорған қаласында.
«Біздің барлық бригадалар ерлікпен қызмет етті. Біздің қызметкерлер оқиға ошағында көмек көрсетті. Жедел жәрдем бригадалары облыс орталығындағы барлық әлеуметтік маңызы бар нысандарда кезекшілік етті. Зардап шеккендер, жараланған сарбаздар мен полиция қызметкерлері шығарылды. Біздің бірде-бір қызметкеріміз өз міндетін орындаудан қорықпады», — деді Алматы облыстық жедел медициналық жәрдем станциясының директоры Савелий Пак.
Жедел жәрдемнің барлық қызметкерлері ауысыммен жұмыс істеді Станция директорының айтуынша, кейбіреулер тіпті екінші, үшінші ауысымда жұмыс сауға сұранған.
Алматы облысы Денсаулық сақтау басқармасының басшысы Өмірзақ Ниязбеков митингке қатысушылар тарапынан дәрігерлерге шабуыл жасалмағанын хабарлады.
— Наразылық білдірушілер тарапынан дәрігерлерге шабуыл жасалған жоқ. Жаппай тәртіпсіздік кезінде облыстық жедел жәрдем станциясының бір қызметкері зардап шекті. Жедел жәрдем көлігіне оқ ату нәтижесінде жүргізуші шыны сынықтарынан жарақат алды. Қазіргі уақытта автомобиль жүргізушісінің жағдайы тұрақты. Ол амбулаторлық емделуде, — деді басқарма басшысы.
Тәртіпсіздікке қатысушылар 5 жедел жәрдем көлігін зақымдады.
