ҚАДІРЛІ ЖЕРЛЕСТЕР!
Ауданымыздың жарқын болашағы – білімді ұрпақтың, саналы қоғамның және туған жерінің өркендеуіне жауапкершілікпен қарайтын азаматтардың қолында. Әрбір баланың сапалы білім алуына, қабілеті мен дарынын дамытуына қолайлы жағдай жасау, ұстаздардың еңбегін қолдау және ауылдардың жан-жақты дамуына ықпал ету – баршамызға ортақ маңызды міндет.
Ауданымыздағы әрбір ауылдың дамуы назардан тыс қалмауы тиіс. Тұрғындардың тұрмыс сапасын арттыру, жолдардың жағдайын жақсарту, медициналық және әлеуметтік қызметтердің қолжетімділігін қамтамасыз ету, жаңа жұмыс орындарын ашуға ықпал ету және жастарға кең мүмкіндіктер жасау – өңіріміздің тұрақты дамуының басты бағыттары.
Депутаттық өкілеттігім аясында халықтың ұсыныстары мен өтініштерін мұқият тыңдап, білім беру, тәрбие, әлеуметтік қолдау және ауыл инфрақұрылымына қатысты өзекті мәселелерді тиісті деңгейде көтеруге, олардың оң шешім табуына барынша ықпал етемін. Алға қойылған міндеттердің нақты нәтижеге ұласуы – мен үшін үлкен жауапкершілік.
Жас ұрпақтың тәрбиесі мен туған жердің келешегі – бәрімізге ортақ құндылық. Халықпен бірлесе еңбек етіп, ауданымызды білімді жастар өсіп-жетілетін, тұрғындары үшін еңбек етуге және өмір сүруге қолайлы, болашағына сеніммен қарайтын берекелі мекенге айналдыруға үлес қосу – менің басты мақсатым.
МЕНІҢ ҰСТАНЫМДАРЫМ
Әділдік пен теңдік. Әрбір тұрғынның пікірін құрметтеп, әр ауылдың жағдайы мен қажеттілігін ескеру.
Адалдық пен жауапкершілік. Адал еңбекті жоғары бағалап, берген сөзге берік болу және атқарылған әрбір іске жауапкершілікпен қарау.
Ашықтық пен сенім. Халықпен ашық пікір алмасып, тұрғындардың құқықтары мен заңды мүдделерін қорғауға атсалысу.
Бірлік пен ынтымақ. Ортақ мәселелерді бірлесе шешуге ұмтылып, ел арасындағы татулық пен өзара түсіністікті нығайту.
Сіздердің әрбір ұсыныстарыңыз, тілектеріңіз бен сын-ескертпелеріңіз мен үшін маңызды. Әрқайсыңызды мұқият тыңдап, толғандырған мәселелеріңіздің мән-жайын зерделеуге және олардың шешімін табуға өз өкілеттігім шеңберінде бар күш-жігерімді жұмсауға дайынмын.
«Ауыл – мемлекеттің негізі, халықтың бірлігі – елдің тірегі!»
2026–2031 ЖЫЛДАРҒА АРНАЛҒАН САЙЛАУАЛДЫ БАҒДАРЛАМА
«Ауылдың дамуы – ортақ міндет, халықтың сенімі – үлкен жауапкершілік!»
ҚҰРМЕТТІ САЙЛАУШЫЛАР!
ӨМІРБАЯНЫМ
Мен, Худашев Мұхтар Изғалиевич, 1989 жылғы 16 қыркүйекте Өзбекстан Республикасы, Қарақалпақстан Республикасы, Қожалы ауданында дүниеге келдім.
Қазіргі уақытта Алматы облысы, Жамбыл ауданы, Қайназар ауылында тұрамын.
2021 жылы Шымкент университетін «Дене шынықтыру және спорт» мамандығы бойынша тәмамдап, «Дене шынықтыру» бағыты бойынша бакалавр дәрежесін алдым.
Еңбек жолымды білім беру саласында жалғастырдым. 2023–2026 жылдары А. Қарсақбаев атындағы орта мектепте директордың шаруашылық жөніндегі орынбасары қызметін атқардым.
2026 жылдан бастап қазіргі уақытқа дейін аталған мектепте дене шынықтыру пәнінің мұғалімі болып еңбек етіп келемін.
Кәсіби қызметімде тәртіптілікті, жауапкершілікті, бастамашылдықты және үздіксіз кәсіби дамуды басты қағидаларым деп санаймын.
Мектептің шаруашылық жұмыстарын ұйымдастыру бағытындағы тәжірибем білім беру мекемелерінің материалдық-техникалық жағдайын жақсартудың, қауіпсіз әрі қолайлы орта қалыптастырудың маңызын терең түсінуге мүмкіндік берді.
Дене шынықтыру пәнінің мұғалімі ретінде балалар мен жасөспірімдердің денсаулығын нығайтуға, спортқа қызығушылығын арттыруға, тәртіптілікке, төзімділікке және командалық жұмысқа тәрбиелеуге ерекше көңіл бөлемін.
Ауданның тұрақты дамуы сапалы білім берумен, жастардың жан-жақты жетілуімен, спорттық инфрақұрылымды жақсартумен және ауыл тұрғындарының тұрмыс сапасын арттырумен тығыз байланысты деп есептеймін.
Туған жердің өркендеуіне үлес қосу, жас ұрпақтың сапалы білім мен саналы тәрбие алуына жағдай жасау және ауыл тұрғындарының әл-ауқатын жақсартуға атсалысу – менің басты азаматтық міндетім.
Қоғамдық қызметімде ауыл мектептерінің жағдайын жақсартуға, бұқаралық спортты дамытуға, жастардың бастамаларын қолдауға және тұрғындармен тұрақты байланыс орнатуға басымдық беремін.
Мен үшін қоғамдық қызметтің басты нәтижесі – халықтың сенімі, нақты атқарылған жұмыстар және туған жердің дамуына қосылған үлес.
2026–2031 ЖЫЛДАРҒА АРНАЛҒАН НЕГІЗГІ МІНДЕТТЕМЕЛЕР
1. ТИІМДІ ИНСТИТУТТАР
Тұрғындармен жүйелі түрде кездесулер өткізіп, олардың ұсыныстары мен өзекті мәселелерін тыңдау.
Азаматтардың өтініштерін тиісті мемлекеттік органдарға жеткізіп, олардың заң аясында қаралуына және шешілуіне ықпал ету.
Сайлауалды бағдарламаның орындалу барысын назарда ұстап, атқарылған жұмыстар туралы тұрғындарға тұрақты ақпарат беру.
Жергілікті атқарушы органдармен бірлесіп, ауыл тұрғындарының өзекті мәселелерін шешуге атсалысу.
2. КӘСІПКЕРЛІКТІ ҚОЛДАУ, ИНВЕСТИЦИЯ ТАРТУ ЖӘНЕ ЖАҢА ЖҰМЫС ОРЫНДАРЫ
«Ауыл аманаты» бағдарламасы аясында ауыл тұрғындарының кәсіпкерлік бастамаларын қолдауға ықпал ету.
Жастар мен әйелдердің кәсіпкерлікпен айналысуына, өз ісін бастауына және кәсіби мүмкіндіктерін кеңейтуіне қолдау көрсету.
Ауыл шаруашылығы мен отбасылық кәсіпкерлікті дамытуға бағытталған бастамаларға жәрдемдесу.
Жаңа жұмыс орындарын ашуға, ауыл тұрғындарының табысын арттыруға және жергілікті кәсіпкерлікті дамытуға бағытталған жобалардың жүзеге асуына ықпал ету.
3. ҚУАТТЫ ӨҢІРЛЕР ЖӘНЕ АУЫЛ ИНФРАҚҰРЫЛЫМЫ
Ауыл тұрғындарын сапалы ауызсумен тұрақты қамтамасыз ету мәселесін назарда ұстау.
Электр желілерінің жағдайын жақсарту және электрмен жабдықтау сапасын арттыруға ықпал ету.
Ауылішілік жолдарды жөндеу, көшелерді жарықтандыру және елді мекендерді абаттандыру жұмыстарын қолдау.
Қоғамдық көлік бағыттарының қолжетімділігін арттыру және аялдамалардың қауіпсіздігін жақсарту мәселелерін көтеру.
Ауылдағы әлеуметтік нысандардың қауіпсіздігін қамтамасыз етуге және олардың материалдық-техникалық жағдайын жақсартуға бағытталған бастамаларды қолдау.
4. БІЛІМ ЖӘНЕ БАЛАЛАРДЫҢ МҮМКІНДІКТЕРІ
Ауыл мектептерінің материалдық-техникалық базасын нығайтуға және оқу кабинеттерін жаңартуға ықпал ету.
Білім беру ұйымдарындағы жөндеу жұмыстарының сапалы әрі уақытылы жүргізілуі мәселелерін назарда ұстау.
Балалардың сапалы білім алуына, жан-жақты дамуына және қауіпсіз ортада тәрбиеленуіне қолайлы жағдай жасауға бағытталған бастамаларды қолдау.
Балабақшалар мен қосымша білім беру үйірмелерінің қолжетімділігін арттыруға ықпал ету.
Ерекше білім беру қажеттіліктері бар балаларға қолайлы жағдай жасау және қажетті мамандармен қамтамасыз ету мәселелерін көтеру.
Мектептердің спорт залдарын, спорт алаңдарын және дене шынықтыруға арналған құрал-жабдықтарын жаңарту жөніндегі ұсыныстарды қолдау.
5. МӘДЕНИЕТ, СПОРТ ЖӘНЕ ЖАСТАР БАСТАМАЛАРЫ
Ауыл жастарының білім алуына, шығармашылықпен айналысуына және қоғамдық жұмыстарға белсенді қатысуына қолдау көрсету.
Мәдени іс-шаралардың, кітап оқу мәдениетінің және жергілікті өнерпаздардың дамуына ықпал ету.
Жастардың еріктілік және қоғамдық бастамаларын қолдау.
Балалар мен жасөспірімдердің спорт секцияларына қатысу мүмкіндіктерін кеңейтуге және бұқаралық спортты дамытуға атсалысу.
Ауылдық спорт алаңдарының жағдайын жақсартуға, спорттық жарыстар мен салауатты өмір салтын насихаттайтын іс-шараларды ұйымдастыруға бағытталған бастамаларды қолдау.
Ұлттық спорт түрлерін дамытуға және жастардың бос уақытын тиімді ұйымдастыруға ықпал ету.
6. ЭКОЛОГИЯ ЖӘНЕ ТАЗАЛЫҚ
Ауылдың тазалығын сақтауға, көшелер мен қоғамдық орындарды көркейту және абаттандыру жұмыстарына ықпал ету.
Самсы өзенінің жағалауын тазарту, табиғи ортасын қорғау және тұрғындарға қауіпсіз демалыс орындарын ұйымдастыру жөніндегі ұсыныстарды қолдау.
Тұрмыстық қалдықтарды жинау және шығару қызметінің сапасын арттыру мәселелерін тиісті органдар алдында көтеру.
Тұрғындардың экологиялық мәдениетін қалыптастыруға, жастарды табиғатты қорғау және көгалдандыру жұмыстарына тартуға атсалысу.
7. ХАЛЫҚПЕН АШЫҚ БАЙЛАНЫС
Ауыл тұрғындарымен тұрақты кездесулер өткізіп, олардың өтініштері мен ұсыныстарын назарға алу.
Тұрғындардың әлеуметтік мәселелерін шешуге, құқықтары мен заңды мүдделерін қорғауға өз өкілеттігім шеңберінде ықпал ету.
Халықпен кері байланысты нығайтып, көтерілген мәселелердің қаралу барысын бақылау.
Атқарылған жұмыстар жөнінде тұрғындар алдында ашық есеп беріп, халық сенімін нығайтуға күш салу.
ҚАДІРЛІ ЖЕРЛЕСТЕР!
Туған жеріміздің өркендеуі – баршамыздың ортақ мақсатымыз. Ауылдың дамуы әрбір тұрғынның белсенділігіне, бірлігіне және адал еңбегіне байланысты.
Білімді ұрпақ, дені сау жастар, дамыған спорт, көркейген ауыл және берекелі қоғам – біз ұмтылатын ортақ болашақ.
Мен үшін ең маңыздысы – халықтың пікірін құрметтеу, тұрғындарды толғандырған мәселелерге бейжай қарамау және ел игілігі үшін нақты жұмыс атқару.
Сіздердің пікірлеріңіз – менің жұмысымның басты бағдары!
Халық сенімін адал еңбекпен ақтауға ұмтыламын!
Әрбір бастамам – туған жердің өркендеуі үшін!
Бірлігіміз бекем, еңбегіміз берекелі, болашағымыз жарқын болсын!
Құрметпен,
Худашев Мұхтар Изғалиевич
«Халық сенімі – үлкен аманат, елге адал қызмет – абыройлы міндет!»
Үгіт материалды шығарған ұйым: «Жамбыл Атамекен» ЖШС, Алматы облысы, Жамбыл ауданы, Ұзынағаш ауылы. Тапсырыс беруші: Худашев Мухтар Изгалиевич Жамбыл ауданының мәслихат депутаттығына кандидат. Материалдар республикалық бюджет есебінен қаржыландырылды.
